De sosténs e maletas...

Despois de moito tempo sin postear, e visto o serio que se estaba poñendo este blog, hoxe o que me pedía o corpo, era falar dos cen anos que se cumplen dende a invención do sostén e da súa celebración por Wonderbra, pero buscando información sobre tan sobranceira efeméride, topei cun dato que, si un servidor fora unha persoa seria e concienzuda no seu traballo, non me tería desviado do meu fin, PERO...

Me entretiven lendo este artigo en VIEIROS, non porque me preocupe o porvir de inmobiliarias e promotoras, tampouco a cara de felicidade co que o autor do estudo sostén o carteliño, senón pola relación que establece o noso sorrinte amigo entre a violencia doméstica e o prezo da vivenda.

E desgraciadamente, nun post reciente RO nos falaba de Estrella, de cómo volveu, despois dun ataque tremendo, a convivir co seu agresor e de como eso lle custou a vida.

E desgraciadamente, esta é unha realidade que vemos con demasiada frecuencia, a víctima que retira os cargos contra o seu agresor e o paga coa súa vida.

E eso me leva a meditar en que fai falta unha intervención máis activa por parte das administracións no seguimento dos casos de violencia doméstica. Que non se pode quedar na vía xudicial, senón que tamén se deberían involucrar os servizos sociais para chegar alí onde non poden chegar os xuíces.

E as familias... e os veciños.... porque non podemos descargar todas as responsabilidades nas administracións, esixíndolles que actuén mentras nós miramos cara outro lado.

Nadie lles fai reflexionar a esas persoas sobre o perigo de voltar onda o seu agresor? Que a víctima perdoe non supón que o agresor o faga, por desgracia para Estrella e outras moitas ás que lles puido máis o corazón que a cabeza.

Por eso, hai veces que máis vale poñer terra de por medio e non mirar para atrás...