Mundial de Rugby - Francia 2007

Este post estaba pensado para o venres día 7, pero non puiden colgalo ata hoxe, cando xa está rematando a primeira xornada de descanso do campeonato.

É que ese día comezaba a Copa do Mundo de Rugby, co partido entre as seleccións de Francia, anfitriona do campeonato, e de Arxentina, a eterna esperanza latinoamericana.

O partido inaugural celebrouse en París, no Stade de France, e as autoridades competentes na materia diseñaran unha campaña publicitaria que tiraba do tópico de París como capital do amor:

Claro que, finalmente, le Bleus, que partían como claros favoritos, tiveron que rendirse ante a maxistral primeira parte dos Pumas, que nesto do rugby moitas veces gaña o máis listo, e pa listos os arxentinos...



Así que os Pumas, que partían nunha segunda liña de favoritos, agora figuran entre os primeiros, e lles deron un bo golpe ós franceses, que agora xogan con toda a presión sobre eles.

Os demáis favoritos cumpliron, uns con máis pena que gloria, pero ata a segunda fase non se deben esperar moitas máis sorpresas.